-- कुंदन अमिताभ --
हर सोचऽ के साक्षी बनी
आगू-आगू बढ़त॑ रही क॑
विहंगम मार्ग अपनाबंऽ ?
सरंग सथं॑ सरंग तले
विस्तृत विस्तार पाबँऽ ?
हर सोचऽ सं॑ अनजान मनऽ मं॑
कभी भी सोचऽ के उदगम होय छै
अच्छा-बुरा सोच फैली जाय छै
हहरैलऽ घटा सन कभी भी
मऽन के डोर क॑ लेबझाबै छै ।
तोंय मऽन कहाँ ?
तोंय इक आत्मा
मऽन तन सं॑ लागलऽ छै !
पर आत्मा ?
आत्मा भी त॑ नै लागलऽ छै ?
तोंय सरंग छेको
आरू सोच बस घटा
कि घटा कहियो सरंग क॑
छूअ॑ सकल॑ छै भला ?
चाहे कत्तो गहराब॑ उमड़ी क॑ ?
सरंग की कहियो घटा सथं॑
परस्पर मिली क॑ चललऽ छै ?
चाहे कत्तो सुंदर रूप धरी ल॑ घटां
कि सरंग साथ चलै ल॑ उतरलऽ छै ?
बोकऽ मानुस जकाँ नीचां ?
हर सोचऽ के साक्षी बनी
आगू-आगू बढ़त॑ रही क॑
विहंगम मार्ग अपनाबंऽ ?
सरंग सथं॑ सरंग तले
विस्तृत विस्तार पाबँऽ ?
सरंग नाकती विहंगम मार्ग अपनाबऽ !
Angika Poetry : Vuhangam Marg
Poetry from Angika Poetry Book :
Poet : Kundan Amitabh
Please visit angika.com for more Angika language Poetry
Poetry from Angika Poetry Book :
Poet : Kundan Amitabh
Please visit angika.com for more Angika language Poetry